🌸🌷🌿✨ការប្រសព្វបុណ្យដោយហេតុ ៥ ប្រការ✨🌷🌿
(កុលសូត្រ បិដកលេខ៤៥, ទំព័រ ២៣១ )
ម្នាលភិក្ខុទាំងឡាយ ពួកបព្វជិតមានសីល ចូលទៅកាន់ត្រកូលណា ហើយ ពួកមនុស្សក្នុងត្រកូលនោះ រមែងបានបុណ្យច្រើនដោយឋានៈ ៥ យ៉ាង ។ ឋានៈ ៥ យ៉ាង តើដូចម្តេច ខ្លះ?
១. ម្នាលភិក្ខុទាំងឡាយ កាលបព្វជិតមានសីលចូលទៅកាន់ត្រកូល ក្នុងសម័យណាហើយ ម្នាលភិក្ខុ ត្រកូលនោះក៏ប្រតិបត្តិប្រព្រឹត្តទៅដើម្បីទៅកាន់ស្ថានសួគ៌ ក្នុង មនុស្សទាំងឡាយបានឃើញក៏មានចិត្តជ្រះថ្លា សម័យនោះ ។
២. សម័យណា កាលបព្វជិតមានសីលចូលទៅកាន់ត្រកូល ពួក មនុស្សរមែងក្រោក ទទួលថ្វាយបង្គំ ក្រាលអាសនៈប្រគេន សម័យនោះ ឈ្មោះថា បដិបត្តិប្រព្រឹត្តទៅដើម្បីទៅកាន់ត្រកូលខ្ពង់ខ្ពស់ក្នុងសម័យនោះ ។
៣. ម្នាលភិក្ខុទាំងឡាយ កាលបព្វជិតមានសីលចូលទៅកាន់ត្រកូល ក្នុងសម័យណាហើយ ពួកមនុស្សក៏បន្ទោបង់មន្ទិលគឺ សេចក្តីកំណាញ់ ម្នាលភិក្ខុទាំងឡាយ ត្រកូលនោះក៏ប្រតិបត្តិនូវបដិបទាប្រព្រឹត្ត ទៅដើម្បី បាននូវយសស័ក្តិធំក្នុងសម័យនោះ ។
៤. ម្នាលភិក្ខុទាំងឡាយ កាលបព្វជិតមានសីល ចូលទៅកាន់ ត្រកូលក្នុងសម័យណាហើយ ពួកមនុស្សរមែងចែករំលែកនូវទាន តាម សមគួរដល់សេចក្តីអង់អាចតាមសមគួរដល់កម្លាំង ម្នាលភិក្ខុទាំងឡាយត្រកូលនោះ ក៏ប្រតិបត្តិនូវបដិបទាប្រព្រឹត្តទៅដើម្បីបាននូវភោគសម្បត្តិ ច្រើនក្នុងសម័យនោះ ។
៥.ម្នាលភិក្ខុទាំងឡាយ កាលបព្វជិតមានសីលចូលទៅកាន់ត្រកូល ក្នុងសម័យណាហើយ ពួកមនុស្សក៏សាកសួរសាកកថ្លា ស្តាប់ធម៌ ម្នាល ភិក្ខុទាំងឡាយ ត្រកូលនោះក៏ប្រតិបត្តិនូវបដិបទាប្រព្រឹត្តទៅដើម្បីបាននូវ បញ្ហាច្រើនក្នុងសម័យនោះ ។
✨🌿ម្នាលភិក្ខុទាំងឡាយ ពួកបព្វជិតមានសីល ចូលទៅកាន់ត្រកូល ណាហើយ ពួកមនុស្សក្នុងត្រកូលនោះ រមែងបានបុណ្យច្រើនដោយឋានៈ ៥ យ៉ាងនេះ ។
No comments:
Post a Comment