កុំចាំទាល់តែមានលុយច្រើន! នេះជាអ្វីដែលលោក លី កាស៊ីង ចង់ឱ្យយុវជនធ្វើមុនគេ

 កុំចាំទាល់តែមានលុយច្រើន! នេះជាអ្វីដែលលោក លី កាស៊ីង ចង់ឱ្យយុវជនធ្វើមុនគេ

មហាសេដ្ឋី លី កាស៊ីង (Li Ka-shing) ដែលត្រូវបានគេប្រសិទ្ធនាមថា “Superman” នៃពិភពជំនួញអាស៊ី តែងតែមានទស្សនវិជ្ជាប្លែក និងជាក់ស្ដែងសម្រាប់យុវជន។ ហើយខាងក្រោមនេះ គឺជាចំណុចសំខាន់ៗទាំង ៣ ដែលលោកចង់ផ្ដាំផ្ញើមុនពេលចាប់ផ្ដើមរកស៊ី៖
១. ចេះបែងចែកកញ្ចប់ថវិកា (សិល្បៈនៃការប្រើប្រាស់លុយ)
លោក លី កាស៊ីង ធ្លាប់ផ្ដល់រូបមន្តបែងចែកចំណូលជា ៥ ផ្នែក ដើម្បីរៀបចំជីវិតឱ្យមានសណ្ដាប់ធ្នាប់ ក្នុងនោះដែលមានដូចជា ការចំណាយប្រចាំថ្ងៃ៖ រស់នៅឱ្យសមរម្យ និងសន្សំសំចៃ។ ការបង្កើតទំនាក់ទំនង៖ ចំណាយលើការប៉ាវបាយអ្នកដែលពូកែជាងខ្លួន ឬអ្នកដែលមានចំណេះដឹង ដើម្បីពង្រីកបណ្ដាញទំនាក់ទំនង។ ការរៀនសូត្រ៖ ទិញសៀវភៅ ឬរៀនវគ្គខ្លីៗដើម្បីពង្រឹងសមត្ថភាព។ ការដើរកម្សាន្តទៅក្រៅប្រទេស៖ ដើម្បីដើរមើលពិភពខាងក្រៅខ្លះ និងស្វែងរកឱកាសថ្មីៗ។ និង ការវិនិយោគ៖ ទុកដើមទុនសម្រាប់ចាប់ផ្ដើមអាជីវកម្មតូចៗ ឬវិនិយោគឱ្យលុយបង្កើតលុយ។
២. រក្សាកេរ្តិ៍ឈ្មោះ និងភាពស្មោះត្រង់
សម្រាប់លោក លី កាស៊ីង ភាពស្មោះត្រង់គឺជា “ទ្រព្យសម្បត្តិ” ដែលមិនអាចកាត់ថ្លៃបាន។ លោកតែងបង្រៀនថា នៅពេលអ្នករកស៊ីជាមួយគេ អ្នកគួរតែសុខចិត្ត “ចំណេញតិចជាងមុនបន្តិច” ដើម្បីទុកផលចំណេញឱ្យដៃគូបានច្រើនជាង។ នៅពេលដៃគូសប្បាយចិត្តនឹងធ្វើការជាមួយអ្នក នោះពួកគេនឹងនាំឱកាសធំៗមកឱ្យអ្នកនៅថ្ងៃក្រោយ។ បើអ្នកបាត់បង់ទំនុកចិត្ត អ្នកនឹងបាត់បង់អ្វីៗគ្រប់យ៉ាង ទោះអ្នកមានលុយច្រើនប៉ុណ្ណាក៏ដោយ។
៣. រៀនឱ្យបានច្រើន និងមានភាពអត់ធ្មត់
លោកបានសង្កត់ធ្ងន់ថា មុននឹងចង់ក្លាយជាម្ចាស់អាជីវកម្ម អ្នកត្រូវតែជា “សិស្ស” ដែលល្អបំផុត។ លោកបានចាប់ផ្ដើមជីវិតពីក្មេងលក់នាឡិកា និងធ្វើការក្នុងរោងចក្រជក់ជ័រ ប៉ុន្តែលោកមិនដែលឈប់អានសៀវភៅឡើយ។ លោកផ្ដាំថា កុំប្រញាប់ចង់ជោគជ័យលឿនពេកតាមរយៈផ្លូវកាត់ ប៉ុន្តែត្រូវមានភាពអត់ធ្មត់ រៀនពីបរាជ័យ និងតាមដានការប្រែប្រួលនៃពិភពលោកឱ្យទាន់។