ច្រៀងដោយ : រស់ សេរីសុទ្ធា
និពន្ធដោយ : ពៅ ស៊ីផូ
ថតឆ្នាំ ១៩៧៣
១. ពេលមេឃស្រទុំអូនយំស្រណោះ ដួងចិត្តអ្ហើយក្រៀមក្រោះ អស់ហើយសេចក្តីសង្ឃឹម ព្រិលអស់កែវភ្នែក ដូចភ្លៀងរលឹម ច័ន្ទក៏លែងញញឹមដូចគ្រាដើមទៀតហើយ។
២. ច័ន្ទអើយដឹងទេតើមកពីអ្វី បានជាអ្ហើយរូបស្រីបីដូចជាទូកគ្មានត្រើយ កាលអូនសួរបង បងក៏មិនឆ្លើយ គ្មានអ្នកណាមួយឡើយ អាចឆ្លើយនឹងអូនបាន។
បន្ទរ. ដួងចិត្តហ្មងសៅ រស់នៅកំព្រា ស្នេហាឥតមានជម្រកមានឋាន ស្រវាចាប់អ្វីក៏ចាប់មិនបាន ឃើញអ្វីៗក៏ជាការស្មាន ក្នុងឋានដែលគ្មានរស្មី។
៣. ដឹងហើយថាអូនជាស្រីអភ័ព្វ រស់អ្ហើយសម្រាប់ស្លាប់ដោយចិត្តដែលឥតប្រណី ឋានសួគ៌ងងឹត ឋានចិត្តអប្រិយ ឋានស្នេហ៍អវចី សម្រាប់ស្រីដូចខ្ញុំ។
(ភ្លេង រួចច្រៀង បន្ទរ និង ៣ ម្តងទៀត)
No comments:
Post a Comment